Markus 5:11-22

¹¹Iwe, a wor eu pwiin pik ra mongöfeil won ekewe chukutekison mi arap ngeni ewe leni.

¹²Iei mine ekewe ngününgau ra tüngor ngeni Jesus, “Kopwe tinikeemila ren ekewe pik o kopwe mwüt ngenikem pwe aipwe tolong lor.”

¹³Iwe, Jesus a mwüt ngeniir. Ekewe ngününgau ra towu seni ewe mwän o tolong lon ekewe pik. Ekewe pik meinisin arapakan ruungeröü ra sätiu me won palen ewe chuk o turulong lon ewe noom. Iwe, ra mop meinisin.

¹⁴Mürin ätekewe mi foleni ekewe pik ra süla o apworausafeili ewe pworaus lon ekewe telinimw me ekewe sopw. Iwe, ekewe aramas ra feila ngeni ewe leni, pwe repwe nengeni mine a fis.

¹⁵Lupwen ra feito ren Jesus, ra küna ewe mwän a wor eu mwichemongun ngününgau won me mwan. A mot ikenan a üföüf o miritila. Iwe, ra niuokus.

¹⁶Iwe, chokewe mi küna ei manaman ra apworausa ngeni ekewe aramas mine a fis ngeni ewe mwän mi wor ngününgau won, pwal mine a fis ngeni ekewe pik.

¹⁷Iei mine chon ewe fanü ra tüngor ngeni Jesus epwe towu seni fanüer.

¹⁸Iwe, lupwen Jesus a tötä won ewe wa, ewe mwän mi wor ngününgau won me lom, a fokun tüngor ngeni Jesus pwe epwe eti.

¹⁹Nge Jesus esap mwüt ngeni, pwe a üreni, “Kopwe feila lon leniom ren om famili o apworausa ngeniir meinisin mine ewe Samol a föri ngonuk, pwal usun an eäni ümöümöch ngonuk.”

²⁰Iei mine ewe mwän a feila seni, a tori ewe fanü itan Engol Telinimw o apworausafeili mine Jesus a föri fän itan. Iwe, ekewe aramas meinisin mi rongorong ei pworaus ra mairü ren.

²¹Iwe, Jesus a liwinsefäliti epek ewe noom. Ikenan eu mwichen aramas mi chomong ra mwicheto ren.

²²Mürin Jairus eman meilapen imwen felikis a feito. Iwe, lupwen a küna Jesus, a chapetiu arun pechen