Text copied!
BREAK EVERY YOKE
CopyCompare
Iriniane Tasorintsi
- Marokoshi
- Marokoshi 5

Marokoshi 5:11-22

Help us?
Click on verse(s) to share them!
11Ario inaigake shintori kara otishiku isekatavageigakara, itovaigavagetiratyo kara maganiro inaigake 2,000.
12Iniitaiganaatyo kamagarini ikantaigi: —Atsi ario pintigankaigakena nontimaguigakerira shintori.
13Yogari Jeso ikantaigiri: —Nanityo piaige. Igenanekyatyo ikonteigapanuti iokaiganairi itimaguigavetakarira irirokya iatashiigavetaka shintori. Iroro itimaguigavetapaakarira ogatyo ikenaigake ishigaiganaka otseraaku yanonkaiganaka iokaavioigaka pokorom pokorom pokorom, ipogereaigakatyo maganiro.
14Iroro ineaigavakerira sentaigiririra itsarogavageiganaketyo kara ishigaiganaka iaigai ikamantantaigapaakera anta itimaigira itsotenkavageiganakerotyo, ikemakotantaigavakaririra timaigatsirira kara intiegiri aikiro timageigatsirira parikotipageku.
15Iaigake inakera Jeso impo yogonkeigapaakara ineaigapaakeri itimaguvetakarira kamagarini pirinitake gagutaka manchakintsi kañotasanovagetaatyo ikyara, ogatyo ikenaigake itsarogavageiganake.
16Yogari neaigakerorira magatiro ikamantaigavakeri tyara ikantakeri okyara yoneagaigakarira timaguigavetakaririra matsigenka, impo aikiro tyara ikantakeri itigankaigakerira itimaguigavetakarira shintori ovashi iokajaigaka.
17Irorompatyo ikemaigakera ikamantaigakerira, iriroegi ikantaigakeri Jeso: —Nokogaigavetaka piataera parikoti.
18Iroro yomatetanaara Jeso pitotsiku iriataera yogari itimaguvetakarira kamagarini ikantiri: —Nompoke naro.
19Kantankicha irirori ikantiri: —Gara pipoki. Ariompa piatae pivankoku pineaigapaakerira pitovaireegi pinkamantaigapaakerira tyara ikantakempi Tasorintsi itsarogakagakempira yoneaganontaimpira itimaguigavetakempira kamagarini.
20Irirori ikanti: —Je'ee. Impo iatai yanuivagetake ikamantageigapaakeri maganiro timaigatsirira kara Tekaporishiku. Iriroegi yogavageiganake kavako.
21Impo yogonketaara Jeso intati yapatoventaigapaakari tovaini matsigenkaegi ovashi ipirinitake kara otsapiaku inkaare.
22Itimake paniro jorio ipaita Jairo. Irirori inti tinkamitatsirira pankotsiku yapatoitantaigarira jorioegi. Iatake inakera Jeso yompatakaventapaakari

Read Marokoshi 5Marokoshi 5
Compare Marokoshi 5:11-22Marokoshi 5:11-22


BREAK EVERY YOKE
Creating and distributing free Bible translations for the web and mobile phones to every tribe on Earth. Click to learn how you can support this work!