Mak 4:35-39

³⁵Na efef tom lo e biing ae, Iesu ka fas berberat na fafausum kia aragii, “Kere mang una nenge bulin dan kawil.”

³⁶Ke ri ka la koseng tara gur na fanu aiwa, ma ri ka wof na mon ae Iesu tinaiwa mang lo, ke ri tikii ri ka la. Fal e mon sabin ri ka la turim tura ri.

³⁷Nenge tara kif ka aptih ke panaf ka tamket na palgan mon, ma fatat ik dom.

³⁸Iesu tinawii na min mon, i luun paklu na nenge koskosngoi, ma ka masun. Ke berberat na fafausum ri ka famat u, ma ri ka fas u aragii, “Tom fafausum! Arafah, biil o wol lo kerer? Fatat kerek kong!”

³⁹Iesu ka aptih ke ka tikale kif, ma ka fas panaf aragii, “Mangeh! Ma ok siaroh!” Ke ka met e kif ma ka siaroh.