MARCOS 4:35-39

³⁵Quema tatayohuixqui ipan nopa tonali, Jesús quinilhui imomachtijcahua: ―Ma tiquixcotonaca ni hueyi at hasta ne seyoc nali.

³⁶Huajca quincajtejque nopa miyac masehualme cati itztoyaj hueyatenti huan imomachtijcahua quihuicaque Jesús ipan cuaacali campa mosehuijtoya para yas seyoc nali. Huan nojquiya itztoyaj sequinoc masehualme cati yajque inihuaya ipan ten inijuanti inincuaacal.

³⁷Huan nimantzi hualajqui se ajacat cati tahuel chicahuac. Huan motananqui hueyi at huan pejqui acalaqui inincuaacal hasta temisnequiyaya.

³⁸Huan Jesús cochtoya iniica ipan cuaacali, motzontectoya ipan se piltzontetontzi. Huajca imomachtijcahua quiixitijque huan quiilhuijque: ―¡Tamachtijquet! ¿Amo timotequipachohua pampa timisahuíaj?

³⁹Huajca Jesús mijquejtiquisqui huan quitacahualti nopa ajacat huan quiilhui hueyi at: ―Amo ximolini, san xielto. Huan nopa ajacat moquetzqui huan nopa hueyi at ayecmo mojmolini.