SAN MARCOS 4:35-39

³⁵Nu'bʉ mín de bʉya nu ra Jesús bi 'yɛ̨mp'ʉ yʉ́ xädi: ―Nuya ga thohmbʉ nʉ 'danguadi ra dądehe, bi 'yɛ̨mp'ʉ.

³⁶Nɛ nubʉya bi xih yʉ ją'i da mbeng bʉ yʉ́ ngu. Nu yʉ́ xädi bʉya bi 'yon a ra mbosa mi huhʉ ra Jesús, bi mbähä bʉya. Nɛ xʉn ngu mi'da yʉ ją'i bi dɛnni ngue bi hyusɛ yʉ́ mbosa ʉ.

³⁷Nɛ nu'bʉ ya i 'yo bʉ ja ra dehe nɛ nts'ɛdi ran dąhi bin ja, nɛ bi donts' ra dehe ra mbosa nɛ mi ts'ʉtho xtán yudi.

³⁸Pɛ nu ra Jesús mi hunh ra huhni, nɛ mi ąpʉ ja ra mbosa. Nu yʉ́ xädi bi 'yä ra Jesús nɛ bi 'yɛ̨mbi: ―Xänbate i, ha nte guím bɛ̨ni nɛ nde ga tuhʉ, bi 'yɛ̨mp'ʉ.

³⁹Bi ndants'a ra Jesús bʉya nɛ bi 'yɛ̨mp'a ran dąhi nɛ a ra dehe: ―Daman hɛ̨, bi 'yɛ̨mbi. 'Bex gue bin hɛ̨ ran dąhi nɛ ra dehe bʉya him mam bi 'yąni.