Mak 4:35-39

³⁵Tama te silama te sogo digi te be pio ebode, agai te aga wali pabo bidi dabebolo weyu, te po wai, “Da te sigi ąį u badu pedai badu pinao,” po wai.

³⁶Tama augwaligo te genuai we bidi hani bidaludubadi taga peyu, te augwali Jisas dugulaluali gebaba holama, tama augwaligo aga dali selama pali. Tama gasa bidi dabe augwali meba gasa geba dabe me tedu augwali dali pai.

³⁷Tama augwali te sigi ąį tomodu pobadi, te moni genuai wali me deli hogodama, tama wę dini te geba tomoba asali, tama te geba te węba hoa sigulama, te węgo geba pągąna sainogo yai.

³⁸Tama Jisas te geba dugi badu bidali, tama aga tobolu te geba dugiba munama, godege pila muani. Augwaligo aga hodoligi pelama, tama augwaligo te po wai, “Tisa po ola mabo bidio, te pąde da węba hoa selama hagainogo ebao, tama nago homugo te kone palobewe?”

³⁹Tama Jisas hodasa holama, tama te waliba wado po obadi, tama wębolo po weyu te po wali, “Megi da, usu dao. Nage sia sao! Nage megi tama silama isao!” Tama wali kekasa peyu, tama te wę me dwasianu memenege munu me ebeo.