МАРКА 4:35-39

³⁵Увечары таго самага дня сказаў ім: пераправімся на той бок.

³⁶І яны, адпусьціўшы людзей, узялі Яго з сабою, як Ён быў, у лодку; зь Ім былі і іншыя лодкі.

³⁷І паднялася вялікая бура; хвалі білі ў лодку, так што яна ўжо напаўнялася вадою.

³⁸А Ён спаў на карме на ўзгалоўі. Яго будзяць і кажуць Яму: Настаўнік! няўжо Табе ня рупіць, што мы гінем?

³⁹І ўстаўшы, Ён загразіў ветру і сказаў мору: суйміся, перастань. І вецер аціх, і зрабілася вялікая ціша.