Maaruku 4:35-39

³⁵Siikhu etile, weettelaka oripa, Yinsa khuwooza anakhiyoni awe yoori: “Nlaweni kaapu kiina.”

³⁶Paata ya osusa khuntti etile, yo khupakhira nkalawa mphule aariimo Yinsa. Na kalawa kiina zeetta owaaperekha.

³⁷Khwaaza ovuma pheevo yookhomaala, na mawipi khusala apiya kalawa yaya khwa nanna aari wiitaalaamo maati.

³⁸Yinsa aarettiye eettaka olala sheezi aphiteeziye nsaawu. Aphano anakhiyoni awe khunlansa na khumuuza yoori: “Mwaaliimu, khinuujali fweeyo nifwaka?”

³⁹Yinsa khulankha khunyamaza pheevo na khuuza pahari yoori: “Otthe nreke! Onyamale!” Pheevo khunyamala na zooshi khwiiya zawiitthaala.