Marcos 4:35-39

³⁵Y tama e día era conda war acbꞌare ojron e Jesús taca uyajcanuarobꞌ y che: —Incuic teinxejr e nuxi jaꞌ era, che e Jesús.

³⁶Entonces uyactobꞌ e gente xeꞌ turobꞌ era tutiꞌ e jaꞌ, y ayan uyajcanuarobꞌ e Jesús xeꞌ turobꞌix tama inteꞌ barco tutiꞌ e jaꞌ xeꞌ uqꞌuechiobꞌ ixin e Jesús tacarobꞌ tama e barco y cay xanobꞌ tor e jaꞌ ixin. Y ayanto más barco xeꞌ war axanobꞌ tor e jaꞌ tacarobꞌ ubꞌan.

³⁷Y wacchetaca tari inteꞌ nuxi icꞌar xeꞌ cay utꞌabꞌse ixin e jaꞌ tichan este que war abꞌutcꞌa e barco taca e jaꞌ.

³⁸Pero e Jesús war awayan tut e barco latbꞌir ujor tama inteꞌ tꞌijribꞌ jor. Entonces uyajcanuarobꞌ ixiobꞌ tut e Jesús tuaꞌ ubꞌixqꞌuesobꞌ y chenobꞌ: —Cawajcanseyajet ¿machi ca war abꞌijnu tamaron que non cꞌanix cachamay umen que cꞌani camuctzꞌa era? che uyajcanuarobꞌ.

³⁹Entonces achpa e Jesús y cay ucꞌaye e icꞌar y che: —¡Chꞌancabꞌen! Y de allí ucꞌaye e jaꞌ xeꞌ war atobꞌoy axin y che: —¡Sisijres abꞌa! che e Jesús. Y tamar era chꞌancabꞌa e icꞌar y e jaꞌ y sisa tunor.