Mäadoco 4:35-39

³⁵Mänïönæ gäwadecæ̈ bayonte Itota tömengä ëmïñæ̈näni ïnänite, —Gäwapæ̈ æ̈mæ̈mäa taocæ̈impa.

³⁶Äninque ömaa ongönäni ïnänite ëmö cæte taocæ cædinque tömengä nänö apæ̈nedimpodë adopodë ayæ̈ contayongante mantadäni taocantapa. Adinque wadäni wapodë godongämæ̈ taodänitapa.

³⁷Tao wogaa goyönäni woboyæ̈ ïñontobæ̈ nanguï pönï pæ̈mæ̈ninque æpæ̈ mængonta mængonta pöninque gao gao wipodë änëñö,

³⁸Itota yæmïñæmpo bee podoncate mö ñongantapa. Ömæ̈moncæcäimpa, ante tao cædinque, —Awënë, bete wæncæ cæmompa mö ñömii.

³⁹Änäni ëñëninque ñäni ömæ̈monte ængæ̈ gantidinque, —Woboyæ̈, pæ̈mæ̈nämaï ïmäwe. Gäwapæ̈ incæ cædämaï næ̈ gongæ̈mäwe. Ante äñongä woboyæ̈ pæ̈mæ̈nämaï ïñö gäwapæ̈ incæ næ̈ gongæ̈ninque ñancæ ñancæ gongæ̈mæ̈nimpa.