Marka 4:35-39

³⁵Kiikiiɗe oon ɲalooma, Iisaa wii taalibaaɓe mum ɓee: —Lummben, keedoyen ootoo bannge.

³⁶Ɓe njoppi jamaa oo, ɓe tawti mo e laana ka o wonnoo e mum kaa, ɓe ndeerti. Laanaaji goɗɗi duu ana njokki e makko.

³⁷Henndu sattundu immii, bempeeje immii ana piya laana kaa, faa ka hosi heewde ndiyam.

³⁸Kanko, omo ɗaanii to laaci laana too, omo wawlii mbawlu. Ɓe pinndini mo, ɓe mbii mo: —Moobbo, tama ko min kalkotoo koo wemmbaali ma?

³⁹O immii, o jahii e henndu nduu, o wii weendu nduu: —Deƴƴina! Wii teen! Henndu nduu deƴƴinii, fuu wii teen.