LUKU 16:15-26

¹⁵Yesu bèńnɛ: Eè yã nnaa kpá a zĩndaa gbɛ̃nteenↄ kiiamɛ, mↄde Ludaa a swɛ̃̀ dↄ̃. Yã kɛ̀ bíta gbɛ̃nteenↄnɛn Luda è kya kán.

¹⁶Musa doka kↄ̃n annabinↄ takadanↄↄ kuu ai Yaaya gurↄↄa. Zaa gurↄ beeean wèe kpata kɛ̀ bↄ̀ Luda kiia baaru kpaa, ben gbɛ̃ píngi e wɛtɛɛ à gɛ̃n kↄ̃n gbãaao.

¹⁷Ludambɛ kↄ̃n tↄↄtɛo gɛ̃tɛna aaga dɛ doka pì wɛ̃zã féte gogonala.

¹⁸Gbɛ̃ kɛ̀ gì a naↄ̃zi à nↄ pãnde sɛ̀, adee zina kɛ̀mɛ. Gbɛ̃ kɛ̀ nↄↄ kɛ̀ wà gìzi sɛ̀ sↄ̃ zina kɛ̀n gwe.

¹⁹Gↄ̃gbɛ̃ ↄↄde kee kuu è pↄ́kãsã maa ↄↄdeenↄ da, ègↄ̃ pↄnnaa kɛɛ nnamana guu gurↄ píngi.

²⁰Baakɛri kɛ̀ wè benɛ Lazaru ègↄ̃ daɛna à bɛ gãnu, bↄ̀nↄ dↄdↄ à mɛ̀a.

²¹Ègↄ̃ pↄ́blee kɛ̀ è lɛ́ɛ ↄↄdee pì teebu gĩzĩ blena ni dɛɛ. Gbɛ̃ɛnↄ bé wègↄ̃ à bↄ̀ pìnↄ sãsãa.

²²Baakɛri pì gà, ben malaikanↄ à sɛ̀ wà tào Ibraĩ kuu. Ɔↄdee pì gà se, ben wà à vĩ̀i.

²³Kuuna wɛ́ɛtãmma guu gɛ̀wãan, kɛ̀ à wɛ́ɛ sɛ̀ musu, ben à Ibraĩ è kãaa, Lazaru kú à saɛ.

²⁴Ben à lɛ́ zùzi à bè: Baa Ibraĩ, ǹ ma wɛ̃nda gwa, ǹ Lazaru zĩ à a ↄnɛtee zↄ̃ ía, à mↄ́ à tↄ̃mɛ ma nɛ́nɛa, zaakɛ mɛ́ɛ wãwãa maa tɛ́vura kɛ̀kii guumɛ.

²⁵Ben Ibraĩ bè: Ma nɛ́, ǹ tó nnamana kɛ̀ lìganzi n wɛ̃̀ndigurↄ yã dↄngu kↄ̃n takaasi bíta kɛ̀ Lazaru kɛ̀o. À làakari kpaɛna gura kɛ̀ sa, ben ń kú wãwãa guu.

²⁶Beee gbɛra wɛ̀ɛ zòoto kú wa dagura. Tó gbɛ̃ yezi à bↄ kɛ̀ à gá a kiia, eé fↄ̃ro, gbɛ̃ke é fↄ̃ à bↄ gwe à mↄ́ wa kiia sↄ̃ro.