Luka 22:13-41

¹³E učenikurja đele ando gav thaj arakhline sa sar o Isus phendas lenđe thaj okote pripremisardine e pashalno večera.

¹⁴Kana pale godova avili e vrjama, o Isus lija than pale sinija e apostolenca.

¹⁵Askal phendas lenđe: “Saste ilesa čeznisardem te hava tumenca akaja pashalno večera majsigo nego aven mungre muke.

¹⁶Kaj phenav tumenđe, či majbut hvala dok či završilpe ando carstvo e Devlesko.”

¹⁷Lijas o tahtaj e moljasa, zahvalisardas thaj phendas: “Len thaj razdelisaren maškar tumende.

¹⁸Kaj phenav tumenđe, katar akana majbut či pijava e mol dok či avel o carstvo e Devlesko.”

¹⁹Askal lijas o mangro, zahvalisardas pale lete, phaglasle thaj razdelisardas lenđe e alavenca: “Akava si mungro telo savo delpes pale tumende. Akava ćeren te dentumen gođi mande.”

²⁰Gajda vi pale večera lija o tahtaj thaj phendas: “Akava si mungro rat, rate Neve Savezosko savo čhordol pale tumende.”

²¹“Ali ake, mungre izdajniko bešel manca pale sinija.

²²Me o Čhavo e Manušesko, moraš te merav sar si odredime, ali jao okolešće savo izdaila les!”

²³A e učenikurja pe godova počnisardine te phučenpes ko maškar lende šaj avilosas godova.

²⁴Askal počnisardine te prepirinpes maškar pende ko maškar lende šaj avilosas majbaro.

²⁵A o Isus phendas lenđe: “E carurja akale themešće vladin e themeja thaj provodin e pravda pe lende korkoro pes akaharen kaj si lačhe.

²⁶Ali tumen na ćeren gajda! Naprotiv, majbaro maškar tumende, neka avel savo si majcikno; a o starešina sago kova kaj služisarel.

²⁷Kaj ko si majbaro? Okova savo bešel pale sinija ili okova savo služil les? Zar naj okova savo si pale sinija? A me ake služiv maškar tumende.”

²⁸Tumen ačhiline manca ande sa mungre kušnje.

²⁹Zato mukav tumenđe ando naslestvo e carosko čast kaj man dija lat mungro Dad

³⁰te han thaj te pijen pale mungri sinija ande mungro Carstvo thaj te bešen pe prestolja te sudisaren e dešuduj plemenurja e Izraelošće.”

³¹Askal phendas o Gospod: “Simone! Simone! ake o beng rodel te iskušil tumen sago o điv kroz o sito.

³²Ali me molisajlem pale tute te ćiro paćipe či oslabil. Zato, kana palem obratija tut mande, učvrsti ćire phralen.”

³³O Petar phendas lešće: “Gospode, spremno sem tusa te džav vi ande tamnica vi ando smrto.”

³⁴A o Isus phendas lešće: “Phenav tuće Petre, ađes ni o bašno či oglasilapes a tu trin drom zataija kaj pindžares man.”

³⁵Thaj phendas: “Kana bičhaldem tumen po drom bi lovengo, bi trjastako thaj bi sandalengo, dal nedostailas tumenđe vareso?” A von phendine: “Khanči či nedostailas amenđe.”

³⁶Akana phendas lenđe: “Kas si love, neka lelen pesa! Isto gajda vi e trjasta! A kas naj mačo, neka bićinel pire gada thaj nek ćinel pešće mačo.

³⁷Kaj phenav tumenđe, moraš te pherdol pe mande okova so si ramome ando sveto lil: 'E manuša đinavenas les sago člano e grupaće save kršin o zakon', kaj sa so e prorokurja ramosardine pale mande pherdola pes.

³⁸Von phendine lešće: “Gospode, ake akate siamen duj mačurja!” A o Isus phendas lenđe: “Dosta si!”

³⁹Askal inkljisto okotar thaj po običajo uputisajlo pe maslinsko gora. Pale leste teljardine vi lešće učenikurija.

⁴⁰Kana areslo okote phendas lenđe: “Molin tume te na peren ando napast!”

⁴¹Pale godova đelo maj dur lendar kozom šaj e baresa te čudestu, pelo pe pire koča thaj molisajlo: