Luk 15:16-23

¹⁶Iy badeh, abudon anya, ‘Jo kini ku-i ndrakeyam ala bou aimon kede-eh kameh, son tek iu ai.’ Arile, ari ndramak banyohan se nyamon bala nan bwe.

¹⁷“Ano iy lomondra i hamon anya, ‘Jo kada-ah anya kimek ta son! Ya oro lau ta lahou ta tama badeh, aimon nyamon solo-an labai, ma nyamon badeh, erah.

¹⁸Jo ki-iu ki hamon hawe tama, ya jo katiye tan ki buku doh: Jo badeh, amekes kandriyen ndra-in i ta Kindrei ma i tam.

¹⁹Jo badeh, mwasin ta asahan nadum ja bwai; jo badeh, kasahan i buku none iri lau ta lahou tam.’

²⁰Eme iy suri iy, ma edek iu ili hamon hawe taman. Arile, iy udu ndra len kahis le badeh, taman atou iy ma ndrinen eden tan. Eme taman sakaliye ili badeh, akabah i la-un ma tawi iy.

²¹“Ano nadun tiye i tan anya, ‘Tama jo badeh, amekes kandriyen ndra-in i ta Kindrei ma i tam. Jo badeh, mwasin ta asahan nadum ja bwai.’

²²“Arile, taman tiye i ta lohowan tan anya, ‘Ou ala suwi andrei ari awin mwasin ha-un, keme kasini ki la-un. Katehei ring ki andra limen hawe kasini ku-i katin kili.

²³Kadai bulumakau kasen, ya to kamekes nyamon tan, ma kasekesek.