Luka 15:16-23

¹⁶Ila, ngan ikamata ooroo puana kulini yo di ga tikan nga, ngan lono be ikap a ikan lapau, yesoo bong tool sa ikap kaningi panga be ikan tiap.

¹⁷“Motong la se lon tut, le nga ya taunu lon wetewete nen, ‘Tiap, di kapraingi ke tamak le imot ngo kaningi kidi alunu san be tikan, bong au naii aman ayepe sokorai ni, ngan la le be amata ye pitolo nga!

¹⁸Le nga, ole amulu a ala pang ye tamak, la awete panga nen, “Tamak, au i ayei dada dook tiap ke noonoo ye Maro matana, inbe ye ong taum matam lapau.

¹⁹Le nookoot nga, au i tool dook tiap le ke be kukiu au ye natum mulu tiap, bong be nen ngan kutarau le ayei urata ben kapraingi kiong nga.” ’

²⁰Motong la imadit a ipa mulu pang ye tamana a ila. “Bong ngan kene yo ipa manga mooloo go nga, ngan tamana ikamata a ikilla, le lono panga mai san. Le imadit tina le idada a ila le la iwarra a lon ponana ye, inbe isomo pangana.

²¹“Motong la natunu tani in iwete panga nen, ‘Tamak, au i ayei dada dook tiap ke noonoo ye Maro matana inbe ye ong taum matam lapau. Le nookoot nga, au i tool dook tiap le ke be kukiu au ye natum mulu tiap.’

²²“Bong ngan tamana ikiu di kapraingi ki a timan man iwete pang di nen, ‘Oo, palbe be kalo kakaua sousoungu kiau mooloo ni si kasousouo natuk i ye, inbe katara padodo lo ye baene buruburene, inbe kakap loningi ke kede panga a iparir.

²³Lo ngan be kala la kakaua asara yo ene bulumakau in natunu yo itup welewele ni, man karaumate, inbe kayeie mailang a takani, inbe lod ponana,