Nok 15:16-23

¹⁶ha putup tep-tex, hu xapup xit'ax xak, pa' hõm 'ohnãg tik te',

¹⁷yĩy yãy koxak, tu yãy mũtik hãm'ãktux, hu: “'Ãtak yõg kãmãnat xop xit punethok, tu tu' hix ka'ok, ha putup tek putex.

¹⁸Put puk mõg 'ãtak hah, yãy 'Ãtak pet hak mõg'ax, tu hãm'ãktux'ax, hu: “'Ãtak, 'ãte hãpkummuk mĩy pax, tu yãyhãhup Topa tu', xix xa tu',

¹⁹'Ãmax, hak mũn kummuk, tu xa' hupmãhã', puk mũn yã 'ãk-tok 'ãktux. 'Ũktux hok puk hãm 'õg kãmãnat xop mũtik.” Kaxĩy.

²⁰Tu putpu' mõg yãy tak pet hah. —Tu mõktu' pet tu' xupep, hak-tok te hãptox tu' xip, 'ĩhã' tak te' pẽnãhã', tuk-tok te' nõy hã kuhmõy kuxa ka', tu' mõg mõ'ka'ok, tuk-tok mũg yãy kep hah, nũy tu 'ãneo, ta tu' kuxa hittup tu 'ãneo,

²¹hak-tok te: “'Ãtak, 'ãte hãpkummuk mĩy pax, tu Topa pu hãpkummugãhã', xix 'ãmũn pu', tu xa hupmãhã puk mũn yã 'ãk-tok 'ãktux.” Kaxĩy.

²²—Pãyã' tak te kãmãnat xat, tu: “Mõ'ka'ok, mõg, tu topixxax max popnũ', pu xõnnũ tat, ha hãpxop 'ũm yãnãm paxnũ pu xõnnũ tu yĩpkutok ha mõ'tat, ha pata xax max popnũ', pu' tat,

²³ha mũnũytut kutok tuktup max nũnnã', tup-tex. 'Ãpu yũmũ nõ 'ãmuk xexka mĩy 'ũghittup tu'.