LUKA 15:16-23

¹⁶E akailu au wererwerer baida e laglag puipi wairwi ge nalu puakagize erolare, ableglam abi nole netat lelut lewer ikwari.

¹⁷Ege eudi ga barkak dikepwari, “Kari babira penoko gair memegle uridli yaba mitkar lewer penoko daragriwerteda arwem, a wader ko kayer barieda. Ka pe peka nali able gedge wererge ekeli ableglam nole lewer arokak.

¹⁸Ka geka nakweilu a nabakiamulu kari babem a abi datagre, “Bab, kaka wit ikaida Agudi opem a mari opem.

¹⁹Ka nole abkorep koka nali mara werem: ma kari ko nakai mara memegle nabailu mokakalam pema wader uridli.'”

²⁰Ege eudige tekweilu a ko takomeda taba babem. E mena ge murizge tikasereder ege abi babet erdari a ege abra au omar taba diketida. E korider emrida taba wermem tabara tag igardi abi gasu erpeida a uma dikaida.

²¹Able wermet eudige abi ikailu, “Bab, kaka wit ikaida Agudi opem a mari opem. Kaka nole abkorep koka nali mara werem.”

²²Ege abi babide tabara memegle darabgerda, “Wa dudumge! Wa bakiaware debe wali taisare a abidoge amiare. A tag amilu tikadarare abra tag pimge damiare a tetergab tarakdarare abi teterge daramiare.

²³A ga bakiaware au derged-derged werem kau tipitare mi lewer akelare, ableglam kara werem maike weumida a epe idid mena dali; ege badmirikda a abi pe ko bardarda.” Wige lewer ikerda.