Lucas 15:16-23

¹⁶Vai'ami abani hina hoja'aha. Vai'amikarahona mani ida hirari vakadi'bai-ra havini-ra nofivini hija. Ni-ija'aria 'baia vano'apa'itxiki, ni-vava'ahaki ida hirari vakadi'bai-ra havini.

¹⁷Oniaroa, va'i bodinia vara ni'aha: “Vako'bai'ahapikiki adani kodiabi'i kahonai abono. Ahabaribakhiaki ida vakadi'bai. Hida ohojana vai'ami hora naabiniki ho bana.

¹⁸Kodiabi'i gorana oajoiki ho. Okaikahina oni'aha: ‘Papai, bada oni'a'iki ida hojai asohiriki Deua bivajahariki, ivajahariki jaboni ida.

¹⁹Jahari kabadania okabadanina mani ida ova'i-ra anaipahihija, oniani ida kadaisaia hora inaonivini ova'i-ra anaipahihija. Onofiki kadahonai abono ohina.’ Nimania ida bana kodiabi'i-ra vara oni'avini kaimoni okaikahina.” Abono-ra ni'a'aha ada imakhinava.

²⁰Oniaroa, ajihi'aha, joi'aha kidiabi'i gorana-ra anikhaha'avini. Napaja khana kaba'i, kidiabi'ia bianoki'aha ada imakhinava joi'ina. Kidiabi'ia binakaidivamaniha, ki'daraha'aha, bikajara'ba'ba'aha ada kidisai, biramosi'aha.

²¹Hari. Imakhinava bini'a'aha ada kidiabi'i: “Papai, bada oni'a'iki ida hojai asohiriki Deua bivajahariki, ivajahariki jaboni ida. Jahari kabadania okabadanina mani ida ova'i-ra anaipahihija, oniani ida kadaisaia hora inaonivini ova'i-ra anaipahihija.”

²²Imakhinava vara nina kaba'i, kidiabi'i va'ora ni'aha adani kidihonai abono: “Jorakia avanikha'a ida makari jahaki, ja'dini mahija avaranabosihavini makari jahakia. Vanaibavi bana ada sa'avithinahi sa'a. Vakanaibavi oni sandália 'dama jaboni.

²³Avanikha'a bana ada 'daama kahidari dorona basinaki mahija avanaabinivini. Haria vako'baiha'a mahija kodisai joina kaikahi'ina-ra khai ani'avini ko'baini.