Luku 15:16-23

¹⁶Kutupa mo wekita꞉ mo ma꞉na꞉ manuma꞉ nemeke pato ambuku manuta꞉ ipika꞉ weleke haena꞉yeke noluekema꞉ taapeekepate hali ma꞉nda꞉ma꞉ ipiki pa꞉ta꞉ ne ma꞉nda꞉ a꞉nda꞉ na haleekeme.

¹⁷Kotoeki puoopu hao wetepena꞉ ipika꞉ hone lumba witolo hata꞉ ipika꞉ honema꞉ alota꞉ Ya apa꞉na꞉ e pokaaseme haliwekima꞉ ne ana꞉na꞉ nalo hata꞉ mandaneeki pa wina꞉ lo halemepate I̱ta꞉ do pa꞉ta꞉ hata꞉ta꞉ tea꞉ma꞉ homoluekema꞉ taapolome hone wiekeme.

¹⁸I̱ tiao puaata꞉ yaka apa꞉ pa꞉ta꞉ pua dupa lolueke. Apa꞉o. Koda꞉ pa꞉ta꞉ make neke pa꞉ta꞉ make hoke hau polome.

¹⁹Koto polo ekima꞉ I̱ta꞉ naka꞉ weki au lapeke na ya꞉la꞉me. Koto ekina꞉ naka꞉ e pokalo polo hali hano lolena꞉e laa lolueke hone wiekeme.

²⁰Koto ekina꞉ta꞉ mo wekita꞉ koto da yu mina꞉pa꞉lao atekena꞉ da poluekema꞉ peekeme. Da a̱i̱ na opolo peeke pota꞉na꞉ pulu haena꞉ kone atekema꞉ eiyeke epeekeeki handaata꞉ ipika꞉ pukima꞉ a꞉ta꞉ma꞉ homolo hata꞉ a̱i̱ya puaata꞉ ipika꞉ weki hopula꞉ mea nunu piekeme.

²¹Hande eiyekema꞉ ateke pa꞉ta꞉ alota꞉ Apa꞉o. Neke pa꞉ta꞉ make Koda꞉ pa꞉ta꞉ make hoke hau polome. Koto polo ekima꞉ I̱ta꞉ naka꞉ weki au lapeke na ya꞉la꞉me leekepate

²²pa atekema꞉ ipika꞉ e pokao haemeke haliweki pa꞉ta꞉ wi la alota꞉ A̱i̱ pua hande ota꞉ epeke dau mea a꞉pa yamaota꞉ ipika꞉ kikina꞉ lini pitao ankedake make pambawapa꞉peke.

²³Kutupa hande imeke wotu piki kao ikiki mulu pua liata꞉ ta꞉na꞉ma꞉ homolo hata꞉ ne pambomana꞉ loa꞉me laata꞉