Lucas 1:57-63

⁵⁷Elisabetpa quilan tincusquiptinnami olgu wamrata gueshyacorgan.

⁵⁸Wawayog cananpä Tayta Diosninsi payta yanapashganpitami castancuna y reguinacuyashgancunapis cushicuyargan.

⁵⁹Saymi puwag (8) junagyog wamran caycaptin Zacariaspa wayinman paycuna aywayargan wamranpa cuerpunta señalayänanpä. Saychömi taytanpa jutilanta jutisiyta munayargan.

⁶⁰Saymi maman nergan: “¡Manami sayno jutin canmansu, sinöga Juan casun jutenga!”

⁶¹Elisabet sayno niptinmi waquin runacuna niyargan: “Castayquicuna say jutiyog mana caycaptenga ¿imanirtä munanqui Juan jutin cananta?”

⁶²Sauraga ima jutita churayänanpäpis sëñalapa Zacariasta tapuyargan.

⁶³Tapuyaptinmi pay manacorgan tacshala tablata saycho guelgananpä. Nircurna saycho guelgargan: “Juanmi jutin canga” nir. Zacariaspis surinpa jutin Juan cananta munaptinmi saycho cag runacuna äyacash ricacuyargan.