Luk 1:57-63

⁵⁷Ŋup titi nat pe, Elisabet waraꞌe lahmiyeꞌ ende.

⁵⁸Ŋupe ŋaiye lenge wim ilyeh ti topoꞌe lenge moi ilyeh ti yasande yetekeꞌe ŋaimune bwore ŋaiye Lahmborenge ŋende pe, tinge lalme hriphrip topoꞌe ti.

⁵⁹Ŋupe ŋaiye talah ti si sande ende ŋerŋe nal miꞌe pe, tinge yat nange ka yotombo wahriꞌ hiꞌ kin, topoꞌe ka yember naŋ kin Sekaraia, junde naŋ yai kin.

⁶⁰Kom mam kin wanange na, “Pakai! Naŋ kin ya gwilme Jon.”

⁶¹Pe tinge yaname na, “Kom yukur wim ilyeh yip ende naŋ kin Jon sai, pakai!”

⁶²Pe tinge yenge syep yaname yai tikin nange talah uku ka gilme lahmende.

⁶³Taꞌe luku pe, Sekaraia nenge syep nisilih lenge nange ka yenge bambalau ende yut no, ka inge naŋ. Pe kin nainge naŋ kin Jon. Tinge yetekeꞌe taꞌe luku pe, tinge ŋoihyeryembe wula wula.