Luke 1:57-63

⁵⁷Noqw Elizabeth tihtaniqat aw pituqw, pam tiyohyat tihta.

⁵⁸Noqw put kisṅwamat, pu sinomat nanaptaqw, yaw Tutuyqawhqa put qa an’ewakw ōkwatuwa. Nihqe puma put amum hahlayhtoti.

⁵⁹Noqw put nanalsikis talni’taqw, puma tsākw poṅotkuyaniqe öki. Nihqe puma put Zacharias yan tuṅwáya, nayat tuṅwniyat an’i.

⁶⁰Noqw put yuat paṅqawa: Qae, pam John yan mātsiwni.

⁶¹Noqw puma put aw paṅqaqwa: Noqw pi qa hak uhsino pan mātsiwa.

⁶²Pu puma put nayat aw māmasaya, hin pam put túṅwaniqey nāwaknaqat tūviṅtota.

⁶³Noqw pam hihta aṅ pēnaniqey tuhtuy’qe, aṅ pēna: Pam John yan mātsiwa. Noqw puma sohsoyam hin kurs wūwaya.