Lucas 1:57-63

⁵⁷Isabel põnacʉtírito jeari, coo macʉ̃ bauáyigʉ.

⁵⁸Cooya wii pʉto niirã́, cooya wedera Cõãmacʉ̃ coore ãñurõ bóaneõrigue quetire tʉorá, coore ʉseniapuyira.

⁵⁹Ocho bʉrecori cʉ̃ʉ̃ bauári siro, cʉ̃ʉ̃ cõnerígʉ yapa macã caseróre widecõã́rã jeayira. Cʉ̃ʉ̃ pacʉ tiiróbiro Zacarías tuudʉgamiyira.

⁶⁰Cʉ̃ʉ̃ paco cʉ̃́ãrẽ jĩĩyigo: —Niiria. Cʉ̃ʉ̃ Juan wãmecʉtigʉdaqui, jĩĩyigo.

⁶¹Cʉ̃́ãpe: —Mʉʉya wedera teero wãmecʉtira maniĩ́ya, jĩĩyira.

⁶²Cʉ̃ʉ̃ pacʉre wãme sãĩñárã, wẽ́ẽtuyira.

⁶³Cʉ̃ʉ̃pe sicapĩ jóaripĩ sãĩyígʉ. Tiipĩpʉ “Juan wãmecʉtigʉdaqui” jĩĩ jóayigʉ. Niipetira teeré ĩñamanijõãyira.