Lukka 1:57-63

⁵⁷Wakkati ndimu Elisabet yottii, o rimi ɓiɗɗo gorko.

⁵⁸Hoddiiɓe makko e sakiraaɓe makko nani yurmeende mawnde nde Joomiraaɗo waɗani mo ndeen, ceyodii e makko.

⁵⁹Nde cukalel ngeel waɗunoo nyalaaɗe jeetati ndeen, ɓe ngari taadude ngel. Iɓe njiɗunoo inndirde ngel innde baabiigel Jakariyaa,

⁶⁰ammaa inniigel jaɓaay, wi'i ngel inndiree Yaayaa.

⁶¹Ɓe mbi'i ɗum: —Yimɓe maa fuu walaa inndiraaɗo innde nde.

⁶²Ɓe ƴami baabiigel e muummumre, noy yiɗi ɓiyum oon inndiree.

⁶³Jakariyaa ƴamani alluwal, winndi dow maggal: «Yaayaa woni innde maggel.» Ɓe fuu ɗum haaynii ɓe.