Luk 1:57-63

⁵⁷Eme len ano ta Elisabet anya kedeu nadun, iy atehei nah mwan.

⁵⁸Eme ya iri lau asiu tiri udu mirihik tan, hawe lowan oro ndranuhun ta Laban amekes mwasin i tan handru. Eme ya oro mari ame sekesek hawen.

⁵⁹Ano udu, nah dah len tan asahan ndru la-uh badeh, oro ala ta asan ku-in; eme oro anya katondrohon nyaran, ki nyara taman Sekaraya.

⁶⁰Arile tinen anya ja, “Bwe! Nyaran kameh aloh iy Jon.”

⁶¹Eme oro tiye i tan, “Nyara lowa ado ari bala buku aliy, bwe oh!”

⁶²Ano oro amekes kalem i ta taman ta nyaran nah dah, ki are lau handru.

⁶³Eme Sekaraya edeu kalem anya, “Ari barak keme, ya jo katorou nyaran.” Eme iy torowenei nyaran badeh, Jon. Eme oro mari, boho oro asak!