57Quillan ćhayamuptin, Isabel ullgu wamranta jishyacuran.
58Jishyacuptin, castancunapis, ricsinacushancunapis watucuran. Jatunpa cushicuran: «Ima allish Tayta Diosninchi yanapashcashunqui wawata tarinayquipaj» nir.
59Wamra pusaj junajyuj captin yaćhachishancunata ćharcur, mallwata jïruran. Papäninpa jutinwan tincunanpaj: «Zacarías» nir jutichayta munaran.
60Maman niran: «Mana. Juanmi jutinga.»
61Runacunam ichanga niran: «Juan jutiyuj castayquicunapis mana canchu.»
62Chaymi ima jutinta ćhurapänanpäpis maquillanwan tantiyachir, Zacaríasta tapuran.
63Tapuptin, papilta mañarcur: «Juanmi jutin» nir isquirbiran. Chaura llapan mancharicäcuran.
SAN LUCAS 1
SAN LUCAS 1:57-63