Look 1:57-63

⁵⁷Now di taim kohn fi Ilizabet baan di baybi, ahn ih ga wahn son.

⁵⁸Wen ih nayba ahn ih faamli dehn yehr dat Gaad mi soh kain tu shee, dehn mi oanli rijais lang wid ahn.

⁵⁹Wen di baybi mi ayt dayz oal, dehn kohn fi serkomsaiz ahn, ahn dehn mi waahn naym ahn Zakaraiya, afta ih pa,

⁶⁰bot ih ma seh, “No! Ih wahn nayhn Jan.”

⁶¹Di peepl dehn seh, “Jan! Bot nobadi eena fi yu faamli nayhn soh.”

⁶²Soh dehn mek sain tu Zakaraiya fi aks ahn weh hihn waahn naym di baybi.

⁶³Ih aks fi sohnting fi rait pan, ahn dehn mowt jrap oapm wen ih rait, “Di baybi naym da Jan.”