Luka 1:57-63

⁵⁷Ena Erisapeti gan kui nowangua kakom fungoro wam kui eme.

⁵⁸Wam kui engua ena mun ori wom fingoro te ariyoma yokoiyoma “Ari Wanopanom furo oparomi kam fi tomie,” dinga firo ama mun ori wom fi teime.

⁵⁹Ena aro kakom okonom koro muruwo koro suraiye fungoro kakom tei nem mam gan akire “Ari yokamai ‘Yaromi Yura yai moime,’ di towaime,” diro “Gan gam guwo dowapune,” diro fi mun ei teinga ikom akire fipire. Ena yokamai kam Sekaraia auwom kam dunguamere epe enaimba

⁶⁰mam “Nemane!” diro “Nonon gan i kam ‘Yoane’ diro enapunie,” epe dungoro

⁶¹te ari yokamai “Ne arinuma kanom ta epe dikemie,” di tere

⁶²ena nem okonom din boi koro koro dero mina wako tere “Ne wanum eramom kam enapune?” di teingoro

⁶³ena pepa arom inaro bengua okonom din boi koro koro dongoro pepa arom teingoro ena yaromi “Na wanam kam i Yoane,” dire boingoro ena ari yokamai inokore munmane eime.