Lucas 12:53-59

⁵³Pengkey telebatà, eked dan pegsebad. Pengkey teleogangan, megpedàtay dan te pedowan tepad kanak.”

⁵⁴Minikagi heman si Jesus diyà te otaw netipon, “Aw kitaen niyo te domelem se egselepan te aldaw, ketegahan niyo te modan te eked kenamay, aw penga niyan metoman modan.

⁵⁵Aw mebandes se kelamag lekat te polò, ketegahan niyo te meinit kwani se aldaw, aw penga niyan metoman iyan.

⁵⁶Tay law. Eden niyo aw egpenimanem kaw, so pengkey egpengilala kaw te ledyawan kidoen te tanà aw langit, meneng wedà niyo kilelai aw eden se meinang seini.”

⁵⁷“Nepela a kenyo so wedà kaw ketaga-taga aw eden se inang metòlid.

⁵⁸Pegselsel kaw den dalem te doen pa aldaw. Aw doen otaw megdimanda tepad kenyo, mèpiya aw megselsel kaw kandin kidoen pa te dalan, amon eked kaw din peibingi doton te howis, aw ibegay kaw diyà te belad te polis amon kelebosowen kaw.

⁵⁹Aw kelebosowen kaw, eked kaw palos pekelowà singed aw beyadan niyo se kedakel te salà.”