Lukas 12:53-59

⁵³Lakea bara to vapida. A bakovi bara i gimana e tamana. A ngatavine bara i gimana e kinana. A ngatavine bara i gimana e kana.”

⁵⁴Muri e Isu i taki e huriki ri vapopo i ta maea, “Na tahuna mu masia a bubu i rike na nirolona haro, mu lohoka vona bara i boru a vala.

⁵⁵Na tahuna i pori valai tano a vilu, mu lohoka vona bara i kara a haro.

⁵⁶Mua o huriki a bakovi na taminga! Mu matakilaka vona ge boru a vala, o ge kara a haro. Pali a maki a rata, mu keri ni matakilala.

⁵⁷“I navai i uka ma mu matakilaka vona a ra maki kamumu?

⁵⁸Na tahuna o laho turana viri i padi virihi ioe na ngava, muru gu lakea na mari ni pelekado a ngava, o toni ni pelekado a ngava turana malaviriri. Bara i uka, a gimamu bara i turari ioe lakea na mari ni pelekado. A mari ni pelekado bara i habi ioe na limana tagari, bara i ru dili ioe na bavi.

⁵⁹A taki muholi ioe, i uka ma go pagitala, ge harena na tahuna o koli mule lobo a maki vona.”