LUKU 12:53-59 - Luda yã takada kũ Bisã yão

⁵³De ni bo a nɛ́gↄ̃gbɛ̃ kpɛ, nɛ́gↄ̃gbɛ̃ ni bo a de kpɛ. Da ni bo a nɛ́nↄgbɛ̃ kpɛ, nɛ́nↄgbɛ̃ ni bo a da kpɛ. Zã da ni bo nↄzãre kpɛ, nↄzãre ni bo a zã da kpɛ.

⁵⁴Yesu pì gbɛ̃nↄnɛ: Tó a è legũ tɛn sisi ifãlɛtɛ kpa, áni pi gↄ̃̀nↄ, legũ ni ma, akũ àdi kɛ lɛ.

⁵⁵Tó a è ĩa tɛn bo gɛ̀nↄmidↄki kpa, áni pi, gu ni wã, akũsↄ̃ àdi wã.

⁵⁶Manafikidenↄ! Á zĩtɛ kũ musuo wɛ́ dↄ̃kↄ̃i, akũ á gↄrↄ dí yáasi dↄ̃ sↄ̃ro bi?

⁵⁷Bↄ́yãi á yãkɛna a zɛ́a dↄ̃ á zĩdaaroo?

⁵⁸Tó n ibɛrɛ tɛn gɛ́ kũnwo yãkpatɛkɛkia, ǹ kokari kɛ de à gaafara kɛnnɛ zaa zɛ́n, de àsun n gátɛ à gɛ́ kũnwo yãkpatɛkɛri kĩnaaro yãi. Tó ńdi kɛ lɛro, yãkpatɛkɛrii pì ni n kpá dogariia, dogari ni n da kpɛ́siran.

⁵⁹Matɛn onnɛ, ĩni bo gwero ari ǹ gɛ́ fĩna boo pínki. Bee kↄbↄ ni gↄ̃ tɛ́nyĩro.