Lokasu 12:53-59

⁵³Girchi kamnixanru gituru, ga wa gituru kamnixanru ruru. Ga wa ginrochi kamnixanro tshicho, ga wa tshicho kamnixanro tunro. Ga wa gimajichro kamnixanro tomekanunro, ga wa mekanunrochi kamnixanro tgimajiro.”

⁵⁴Wane chinkoxna gixolune yine, “Wa kyachgapererumko getini wa tkachi gimxityawakasreta ruyakatini, waneklu wane nchina, ‘Ginpatkani.’ Ga wa wane rixa.

⁵⁵Ga wa tkachi kegnetesretate giyakannipgyatyachri rapokannipgyatini, wane nchina, ‘Gemerpatkani.’ Wane rixa.

⁵⁶¡Sanowashatachingi! Gimata getgogneretlu chiji ga wa tengogne. ¿Gi gixpoko gi gimata getletlu tyepapkopirana?

⁵⁷“¿Klu chinanu gixnanuko gi gitakyagoklu wa potukalu?

⁵⁸Wa pkamnixjeruyma gitsrukaachi yegi pyini, pujgapotutanru pkaspukikolupa walyegiya, ma kotlolomtyanupyi kgitakyagoklewakleru yegi. Ga wa kgitakyagoklewakleru ma samyookanpakyi gitowreru yegi. Ga wa gitowreru ma yoshmakyanupyi yoshmakjetikowaka.

⁵⁹Wane nchinyi, gi wane pushpakini pma wenutkanuwalo talipremchataajpotunanuko.”