Luka 12:53-59

⁵³Erâ mame ŋokâ jahe fâuckerâ hehewic enicmu â neŋgoc otâ jahe fâuckerâ hehewic enicmu â jojoŋaozi fâuckerâ hehewic enicmu.”

⁵⁴Iŋuc murâ ŋic ŋokac mâmâc sâko‐jeŋic ʒiŋuc jazawe: “Ŋoŋe mâreŋ âke gâpâreme honerâ izia mueŋgopieŋ, ‘Hoe warekac.’ Muhapie iŋuc eekac.

⁵⁵Mâreŋ emasaŋkeme honerâ mueŋgopieŋ, ‘Ʒoaŋ qaocmu.’ Muhapie iŋuc eekac.

⁵⁶Burecŋic, ŋoŋe karorac qânikiŋ irec fuŋne manaeŋgopieŋ, â dameŋ ʒirec fuŋne ine wemocte mi mana taraeŋgopieŋ?

⁵⁷Ŋoŋe weniŋucte hata tiŋne â hehesicne hone ʒâŋitâc mi eeŋgopieŋ?

⁵⁸Go kisâgehec dâŋŋekic kiarao baranicmu. Eme hatao rahuc qizec qacnetec dâŋŋekic mufâsâezepirec. Iŋuc mi etec kisâgezi kiarao mume eki manarâ momori‐ticne ecneme kâpâcwâru ficko râecguocmu.

⁵⁹No jâmbomac gazape: Go ira ŋeku mâc mi wefucmu, âgogere tofa bazutec tara‐jâmbâŋkeme jaha wefucmu.”