Lukas 12:53-59

⁵³te ya lalaki en a makikattway sangaw ta anak na en lalaki. A ya babbay hapa a makikattway sangaw ta anak na en babbay. A ya katahungan na takday a makikattway hapa sangaw ta manuhang na en,” kunna.

⁵⁴A ya uhohug na hapa ta kaddun na tolay kiden a “Am maita muy ta magkulam na a ‘Magudan na sangaw O,’ kummuy, a kustu magudan.

⁵⁵A am nagafu ta abagatan ya paddaden a ‘Mapatu sangaw O,’ kummuy hapa, a kustu magpatu.

⁵⁶Ammi ape malalaki kam, te amu muy lavunan ya dumatang gafu ta pakaitan ta langit ikid na lutak, ammi ya ipaita na Namaratu tekamuy ta ayanin a awemuy haman malasin.

⁵⁷“Mappya mantu ta ulin muy ya nonot muy, petta mangnonot kam ta matunung na nonot.

⁵⁸Te am medarum ka sangaw ta atubang na kwes a mapmappya ta dana makikappya ka mina ta mangidarumen teko ta awem para nakadatang ta kwes, te am nedarum na kan a paalap na ka na kwes ta mangbalud teko,

⁵⁹a kakurugan ya ibar ku teko ta awem sangaw makauhet addet ta awem pakekaru ta ngamin liwat mu,” kunna.