Lucangundru 20:19-34

¹⁹Ja Priesta pirnali ja jaura jinkinietjali wontina wonti nunkangupini ditjini mara nunkangu kurala, windri tana kana wolarandru japali nganana wonti; ngangau tanali ngujamana wonti, Nau tanangu ninapini jeribaka jaura jatana warai.

²⁰Ja tanali nina matja najinajibana, tanali kurukuru najinajibanietja jinpana wonti, tanali jeljujeljujeli talku wondraterina wonti, tanali nina jaurali patananto, ja nina kana kaparani ja najinajibanietjaia ngurulani ngulkujeli jinkinanto,

²¹Ja tanali nina jekibana wonti ja jatana wonti: “Ngujangujara jinkinietjajai, ngaiani milkila, jundru talku kaukaubai, j a ngujangujara jinkiai, ja manubaku nganai, ja morlalu Godaia paltundru ngujangujara jinkiai;

²²Ngaianingu talku nganai, ngaiani mitaia kaparani kalala jinkinani kara, pani kara?”

²³Nulu tanani jeljujelju ngujamana wonti, ja Nau tanangu jatana wonti: “Minandru jura ngana wontjai?

²⁴Ngakangu kalalaia mardatandra, kulno wondralkamai. Waninunkani mudla ja jaura dirkalani nulia ngamalkai?” Tanali kalabana wonti ja jatana wonti: “Mitaia kaparaia.”

²⁵Nau tanangu jatana wonti: “Jinkianau kaparaia poto kaparani ja Godaia poto Godani!”

²⁶Ja tanali ngandandarina wonti nina jaura kulnujeli patala kana wolarandru; ja nunkani kalabani jaurandru tana ngaruparana wonti ja ngapurina wonti.

²⁷Sadducaia palpa nunkangu karakararina wonti, tana jatai: “Narila wata morla jiritjila nganai,” ja nina jakalkana wonti ja jatana wonti:

²⁸“Ngujangujara jinkinietjajai, Mosili ngaianingu dakana wonti, kana kulnuja nejieli, nulu noa ngamalkana warai, kupa pani palinani, ngatatajeli nunkanali nana widla patananto ja nejini nunkanani ngatamura, jiritjibananto.

²⁹Neji mara mara wora ja mandru nganana wonti; ja ngoperalali noa patana wonti ja kupa pani palina wonti;

³⁰Ja mandrulali nana widla noa patana wonti, nau bakana kupa pani palina wonti.

³¹Ja parkulali nana patana monti, nunkangu jeribaka bakana tanali mara wora ja mandrujeli, ja tanali wata kupa worarana wonti ja palina wonti.

³²Pratjanani ngadani bakana widla palina wonti.

³³Terkakani ditjini, waninunkani noa tanangundru nani nganala nganai? Ngangau mara wora ja mandrujeli nana noa ngamalkana wonti.”

³⁴Ja Jesujeli kalabana wonti ja tanangu jatana wonti: “Nunkanipini mitaia kupali noa patai ja noa pantjiai;