Làasoode 1:9-16

⁹Yã́ pↄ́ kú yãa mɛ́ a ɛa àↄ ku lↄ, yã́ pↄ́ wa kɛ̀ yãa ↄ̃ wa ɛa kɛ lↄ. A dafue ku dṹniauo.

¹⁰Pↄe ku kɛ́ wà mɛ: Pↄ́ dafue gwaa? Aawo! À dↄ̀aa kú wá ãa za zi kↄ̀.

¹¹Gbɛ̃́ káauↄ yã́ líↄ dↄ gbɛ̃egu lↄo. Baa gbɛ̃́ pↄ́ aaↄ ku ziaↄ, an yã́ a dↄ gbɛ̃egu gbɛzão.

¹²Ma làasoode ma kɛ Isailiↄ kía ũ Yelusalɛũ.

¹³Ma mɛkpà yã́ pↄ́ wàlɛ kɛ dṹniau píi tàasikaawa, má yↄ̀ɛ ↄ̃nↄ'ↄ̃nↄ, má è Lua zĩ pãsĩ dà gbɛ̃nazĩnaↄnɛ aa kɛ.

¹⁴Ma yã́ pↄ́ wàlɛ kɛ dṹniau è píi, a píiá pãɛ mɛ́ gugiiyaaɛ.

¹⁵Pↄ́ fĩaa pooa vĩo, wìli e pↄ́ pↄ́ kɛ̃̀sã nào ń a kĩniↄo.

¹⁶Ɔ̃ má ò ma nↄ̀sɛu ma mɛ̀: Gwa! Ma ↄ̃nↄ zↄ̃ↄ dɛ gbɛ̃́ pↄ́ kpalablè Yelusalɛũ ma ãaↄla píi, ma ↄ̃nↄ ń ma dↄ̃ao wɛbↄ̀ maamaaɛ.