Kölfel 85:3-12

³Ka aükätiu om lingeringer ngeniir o wes seni om song mi fokun lapalap.

⁴Ai Kot, äm Chon Amanau, kopwe aliwinisefälikem o aükätiu om song ngenikem.

⁵Ifa usun, kopwe song ngenikem tori feilfeilachök? Ifa usun, kopwe chök sopwela le song ngeni ekewe täppin aramas meinisin?

⁶Kose mochen kopwe amanauasefälikem, pwe äm noum kewe aramas aipwe mwareituk.

⁷Ai Samol mi Lapalap, kopwe pwäri ngenikem om we tong ellet o fang ngenikem om manau.

⁸Üpwe rongorong ngeni mine Kot a apasa. A pwon pwe epwe awora kinamwe ngeni nöün kewe aramas, ngeni nöün kewe mi pin, are resap chüen liwinsefäl ngeni ar kewe föför mi mwäl.

⁹Ellet, a kaneto pwe epwe amanaua chokewe mi niuokusiti i, pwe an ling epwe nonom lon fanüach.

¹⁰Tong ellet me allükülük repwe chufengen, pwüng me kinamwe repwe mitirifengeniir.

¹¹Än aramas allükülük epwe feitä seni fanüfan, nge än Kot pwüng epwe netiu seni läng.

¹²Ewer, ewe Samol mi Lapalap epwe fangeto mettoch mi mürina, nge fanüach epwe awora räsimong.