Kap 85:3-12

³Gak kalɨp nin do butjap nandagɨl uŋun nandabɨ magɨt. Nin do japmɨsi nandagɨl, mani kulabɨk aŋek butgo magɨt.

⁴Piŋkop, yokwikon baŋ tɨmɨt tɨmɨt amɨnin, kalɨpsi nin tagɨsi egɨpgumaŋ abɨsok paŋkaluk abɨ yaŋgɨn egɨpneŋ. Butjap saŋbeŋek dɨma nandaŋ nibi.

⁵Bɨsap mudok mudogɨ mɨni butjap sigɨn nandaŋ nimɨŋ wɨgɨkdɨsal? Babɨkon da babɨkon yaŋ gɨn taŋ aŋaŋ wɨgɨkdɨsak?

⁶Mɨŋat amɨn kabɨyogo aego paŋteban abɨ nin kɨsɨk kɨsɨk aŋek gak aŋkɨsineŋ.

⁷Yawe, gak asisi mudok mudogɨ mɨni nin do but dasi galak taŋ nimɨsal uŋun dakon bamɨ nolɨŋbɨ koneŋ. Yokwikon baŋ tɨmɨgaki tagɨsi egɨpneŋ.

⁸Nak Piŋkop Yawe da gen yosok uŋun do mɨrak pakyaŋsi yopmaŋdat. Nin da aŋpak yokwi kalɨp agɨmaŋon tobɨl dɨma pɨgɨneŋ kaŋ, uŋun iyɨ dakon telagɨ amɨn kabɨni nin but yawot nim do yosok.

⁹Asisi, amɨn Piŋkop do pasal ɨmaŋ uŋun yokwikon baŋ tɨmɨtdɨsak. Aŋakwan tɨlɨmni mɨktɨmninon tokdɨsak.

¹⁰Uŋun bɨsapmon amɨn da amɨn do but dasi galak taŋ yomɨŋek aŋpak tagɨsi aŋ yomdaŋ. Yaŋ aŋek kɨlegɨsi egek but yaworon da tagɨsi egɨpdaŋ.

¹¹Mɨktɨmon Piŋkop but dasi yolyol aŋpak mɨktɨmgwan da pawɨŋban pɨsaŋek kwokdɨsak. Ae Kwen Kokup da aŋpak kɨlegɨ sɨŋtaŋban mɨktɨmon pɨkdɨsak.

¹²Asisi, Yawe da yo tagɨsi nimɨŋakwan mɨktɨmnin da jap morapmɨsi paŋalon akdɨsak.