SALAMO 85:3-12

³Guna ai dekenai oi badu, to hari oiemu badu oi hakerua vadaeni. Oiemu badu mai siahu bada, be oi ese oi hadokoa vadaeni.

⁴Dirava e, aiemai Hamauria Tauna, mani emu kara ai do oi haginia lou, bona mani do oi badu lou lasi ai dekenai.

⁵Ai dekenai do oi badu ela bona hanaihanai, a? Oiemu badu be nega ta do ia doko lasi, a?

⁶Goada ai dekenai do oi henia lou, bona ai, oiemu bese taudia ese oi do ai hanamoa.

⁷Lohiabada e, oiemu noho hanaihanai lalokauna, be ai dekenai do oi hedinaraia, bona oiemu hamauria ena durua be ai dekenai do oi henia.

⁸Lohiabada Dirava ena hereva lau kamonai noho. Ia gwau ia ese maino be ai dekenai, iena bese korikori taudia dekenai, do ia henia, bema ai ese guna ai karaia kavakava karadia, be do ai karaia lou lasi.

⁹Momokani, ia ese ia dekenai idia gari taudia ia hamauria noho. Ia ese ai do ia hamauria, bona ai danu do ia noho, aiemai tano lalonai.

¹⁰Unai neganai Israela taudia ese, ta ta ibounai dekenai do idia lalokau henia, bona kara namodia be idia ta ta dekenai do idia karaia, vadaeni idia ibounai be, kara maoromaoro bona maino dekenai do idia noho hebou.

¹¹Lohiabada dekenai abidadama kara, be Israela tano dekenai do ia tubu, bona Dirava, guba dekenai ia noho, ese kara maoromaoro, emai bese edia huanai do ia havaraia.

¹²Momokani, Lohiabada ese gau namodia ai dekenai do ia henia. Aiemai noho do ia hanamoa, bona aiemai tano ese ena anina do ia havaraia bada herea.