Psalm 85:3-12

³Kom sisla sulung lom nukewa lukelos Ac forla liki folak lun mulat lom.

⁴Sifil furokkutwot, O God, Mwet Lango lasr, Ac tulokinya sulung lom nu sesr.

⁵Ya kom ac mulat sesr nwe tok? Ya kasrkusrak lom ac tiana tui?

⁶Oru tuh kut in sifil kui, Na kut su mwet lom, fah kaksakin kom.

⁷Akkalemye nu sesr lungse kawil lom, O LEUM GOD, Kasrekut ac molikutla.

⁸Nga porongo na ma LEUM GOD El fahk, Tuh El wulema misla nu sesr, mwet lal, Kut fin tia sifil folokla nu ke inkanek lalfon lasr meet.

⁹Pwayena lah El akola in molelosla nukewa su akfulatyal, Ac wolana lal, su mwe loango nu sesr, fah oanna in facl sesr.

¹⁰Lungkulang ac oaru ac fah osun; Suwoswos ac misla ac fah asruoki.

¹¹Oaru lun mwet uh fah sowak liki faclu nu lucng, Ac suwoswos lun God fah ngeti inkusrao me.

¹²LEUM GOD El ac fah oru tuh kut in kapkapak, Ac facl sesr fah isus fahko wo.