Kölfel 58:3-11

³Ekewe aramasangau ra tokola lon unusen manauer, ra chök kapas chofana seni ewe fansoun ra uputiu.

⁴Ra urela ren poison usun chök ekewe serepenit mi poison. Ra pineela selinger usun eman serepenit a pineela selingan,

⁵pwe esap tongeni rongorong ngingin ätewe mi afesira serepenit, ika än eman sourong förüör.

⁶Ai Kot, kopwe kupi ngir, kopwe tülü ngin ekewe laion mi langatam.

⁷Amwo repwe morola usun koluk mi pula, repwe pachachala usun fetil aramas ra purätiu.

⁸Amwo repwe wewe ngeni eföü pweechar, a telila o wiliti mongomong, repwe wewe ngeni eman mönükol esap küna saram, pun a uputiu, nge esap manau.

⁹Mwen ämi kewe nape ra mefi pwichikaren ewe ekkei seni iräfölüföl, ese lifilifil ika ir irä mi manau ika mi pwas. Kot epwe ässala ekewe aramasangau ren eu ewiniär.

¹⁰Ekewe chon pwüng repwe pwapwa, lupwen repwe küna pwe Kot a apwüngü ekewe chon tipis, repwe talü pecher lon chan ekewe aramasangau.

¹¹Iwe, aramas repwe apasa, “Ellet, ekewe chon pwüng ra angei liwinir. Ellet, mi wor eman Kot mi eäni kapwüng won fanüfan.”