Salmos 58:3-11

³Fiyu runacunaga manaräpis yurillarnami fiyu. Mamanpa pachancho caycällarnami llulla.

⁴Chay runacunaga benënuyoj culebranömi carcaycan, rinriynaj culebra mana wiyajnömi,

⁵majiquërucuna upayächinanpaj tucapaptinpis mana wiyajnömi.

⁶Tayta Dios, ¡quiruncunatapis amirgäriy! Tayta Dios, ¡chay liyuncunapa agärancunata paquirgäriy!

⁷Guemarisha yacu chaquejnöpis illgacäcuchun. Näni cantuncunacho guewa chaquejnöpis illgacäcuchun.

⁸Rashta chullojnöpis illgacäcuchun. Achicyaj pachata shullu mana ricashanno quëdachun.

⁹Cashatanöpis ruparachichun manaräpis cuentata gocuptin. Jachata achurishanno illgarachichun.

¹⁰Tayta Diosta wiyacojcunaga cushicongami chiquejcunata wañushata ricashpan. ¡Chaquincunatapis fiyucunapa yawarninwanrämi mayllanga!

¹¹Chayrämi llapanpis nenga: «¡Tayta Diosta wiyacuymi alliga! ¡Cay pachacho canmi Dios llapanta jusgananpaj!» nir.