GWAY GI IDAWUU’D 58:3-11

³Imanmii tonthus mo iikini dheres mo ’peni bwa gi ikum mo, uni thamki mii ’pena cim gun dhodhu uni mo tani uni thamki gwo o ka ṯor mo.

⁴Uni tan ga ṯi’d me’da ṯi’d tasha/ mo, me’d tashan ’thi/ jin ta’da ’diye/ mo jin ’dap̱ki bwany’cem piti ’twa/ mo,

⁵wakan jin mina a’di diki ciḵ gwalish gi wathi/ mo walla laṯ jin laṯu/ a’di mo.

⁶Ayy Arumgimis, ’ce’dki uni she/ e bwan ’twam buni mo. Buḵki uni sheŋ gwoliŋgwoṯẖa/ mo ’peni ushi dhuru’c ma dhop̱ mo, ayy Tap̱a.

⁷Dhalki uni p̱ikin ki jahanne/ me’d yi’de/ jin gusu’di ’ciṯẖ ’pen mo, dhali wa e ka sho si’da/ jin tora moŋḵuthu’d ’ko’da ’cesh mo dhali ḵu’th mo.

⁸Dhalki uni wana e ka homo’th jin yu moros mo, dhali me’da ’ci jin ṯagu ka dho’th piti jin molo’da tente/ p̱ar e mo be.

⁹Ki ’dishe/ tani anos bum mina ’ko’d gwari ’batha’ba’th me’da ’de/ jin shwana o’d mo, waḵki/ ta’da go’d go’d walla diki’d mo/o’d mo tani dhalki a’di dhi’th uni sho’k ki jahanne/ mo.

¹⁰Amanmii miiŋḵar/e mo tani a’di mina bwa ’kuny mo haali/ a’di midi p̱ar mo jin ri/uwa ri’c e mo be. Dhali a’di midi lam sho’k piti ka bas gi ’kwani kun ta thus ki thus mo.

¹¹’Kwani mini o gwo mo ki: Ka jiŋ gana/ to jin ish ḵumma/ mo tani di’d gom ’kwaniŋ ḵar/e mo. Ka jiŋ gana/ Arumgimis di’d mmodwall gwo ap̱o/ mony’cesh mo be.