Yontu 58:3-11

³Təfɑɑ kɛ ɩ́ lɑkənɑ ɩsɑɣɑtʋ kɛ tɛtʋ tɔɔ, nɑ ɩ́ lɑkɩ mʋsʋŋ.

⁴Hɑtoo ɑsɑɣɑɑ hɔɔʋ tɛɛ kɛ́ pɑ wɑkəlɑɑ, nɑ pɔpɔtʋnɑɑ nɑ́ɑ́ leki nɑ pə́cɔ pɑ lɩɩkɩ pɑ toonɑɑ lotu tɑɑ.

⁵Pɑ wɛ sɔtʋ kɛ́ ɩsɩɩ tʋmɑɑ, yɑɑ ɩsɩɩ pɑɑsəlɛ ntɑm wei ɩ təkəɣɩ ŋkpɑŋŋ tɔ.

⁶Ɩsɩɩ pɑɑsəlɛ nte tɩɩ nɩɩkɩ tʋʋ yontu tɔ, pɑɑ tʋwɑɑ tɑɑ ɑkɑ.

⁷Hɑɩ, Ɩsɔ holi pɑ kelɑ kɛ pɑ nɔɔsɩ tɑɑ, Tɑcɑɑ yɔkɩ tɔɣɔlɑsɩ tɑmɑsɩ.

⁸Pɑ́ mʋkɩ yem ɩsɩɩ lʋm kpeŋuɣu tɔ. Ye pɑ tɔ nɔɣɔlʋɣʋ nyəmɑ́, ɑ́ pəsɩ kpɛtɛ.

⁹Pɑ́ sɩ nɑ pɑ́ yɔɔlɩ yem ɩsɩɩ ɑtɑntɑɑlʋ. Nɑ pɑ́ wɛɛ ɩsɩɩ pə hɔləsʋɣʋ pəyɑɣɑ, nɑ kɑ́ tɑ́ keesi ilim tɔ.

¹⁰Pɑ sɔwɑ́ tɩɩŋ kɑɑ lɑ hɔtʋ, nɑ pə́cɔ Ɩsɔ kpɛsɩ-ɩ ɩsɩɩ kɑcuculɑɣɑ, pɑɑ ɑ wʋlɑɑ yɑɑ ɑ́ nɑ ɑ lʋm, pə tɑ kʋ pʋlʋ.

¹¹Yʋlʋpɑŋ lɑŋlɛ kɑ́ hʋlʋmɩ wɑɑtʋ wei Ɩsɔ kɑ́ lɛɛtɩ ɑsɑɣɑɑ tɔ ɩnɩ ɩ kɑ́ tɔ pɑ cɑləm tɑɑ.