Isikiyeli 37

1

2

17

18

33

34

36

37

47

¹Guyau ena gigibwali hewagu yai be Yaluwana yai ya lawegu gon hesa atipuna yai, na amainiya mate dodoga siyadadi ya mohafu.

²Ya foyahigu E leu yo E sae gonna yai ni, na siyada kokoyagidi boludi E itadi nuꞌu ya wala otaꞌen.

³Ya fatiꞌoigu iyen, Tanoꞌubu dogana! Siyada ni, gonowadi sa mwahuli, e higeꞌe? Na alinana E bui yawa, Guyau Yaubada, um ibom wa sibai.

⁴Habahim ya falibagu iyen, Siyadadi u liba pelowetaidi uwe, Siyada kokoyagidi! Guyau ena liba hola au atahi!

⁵Guyau Yaubada ya libawa lisimiu doha ite: “Haba yahafuwa E felemiu be ami mwahuli fuyo.”

⁶Bwaꞌibwaꞌina haba wanowano galamiu yo fisihomiu E fasusudi. Ai mulina haba ꞌwapimiu E fapatu. Habahim yahafuwa E felemiu be ami mwahuli fuyo na haba ami sibai mate Yau, Guyau.

⁷Yo fede somo ya falibagu E lau watan be E liba peloweta. Hola ma libalibagu na E atahi: Siyada sa faikalekaleledi na sa faisusu fuyoꞌidi.

⁸Ma maimaineneigu, na wanowano gala, fisiho yo ꞌwapi E itadi sa taumahata siyada yai. In moho hige yahafuwadi.

⁹Yo fede ya falibagu iyen, “Tanoꞌubu dogana! Yahafuwa u liba pelowetai doha ite: ‘Guyau Yaubada iyen, “Hwayahwayau tefa mahudoꞌina yai au towama be au yahafuwa lau silan ni lisidi, be haba sa mwahuli fuyo.”

¹⁰Yo fede somo ya falibagu E lau watan. Hwayahwayau E liba pelowetaidi be yahafuwa silan ya luhufidi. Makai! Ma esega! Na sa mwahuli fuyo, ma lau obiyodi, itaꞌitadi doha tau hiyala pwaluna laꞌilaꞌi.

¹¹Habahim ya libama iyen, Tanoꞌubu dogana! Isalaela dodogadi mate doha siyada ni. Sa liba tiyen, “Siyadada sa kokoyagi yo hige eda sunuma. Guyau ya tomo afuleda.”

¹²Be egu dodoga u liba pelowetaidi uwe, “Guyau Yaubada ya liba doha ite: Ma! Boꞌusamiu haba E soꞌedi be E kamfahimiu na haba E fafuyomiu Isalaela Nuꞌuna.

¹³Ai lahaina boꞌusamiu E soꞌedi be E fakalamahanomiu haba ami sibai mate, Yau, Guyau.

¹⁴Haba Yaluwagu E tole ai lisimiu be ami mwahuli fuyo yo emi ai nuꞌu wananahana haba ami gogo, na haba ami sibai mate Yau, Guyau. E libaen. Somo E libaen mate E ginauli watan.”