Hozea 12

1

2

3

4

5

6

7

8

9

10

11

12

13

14

¹Sari tinavete te Iparemi si loke laedi doduru rane, gua sapu deṉa nana mo pa givusu; doduruna sa rane si hadu lulia sa sa givusu pa kali gasa rimata meke va soku ia mo sa sa koha meke sa tinahuara tavetia sa sa vinariva egoi koe Asiria meke garunu la oela olive pa Izipi.”

²Na tinazutuna e Ziuda si paleke mae nia e Zihova; E Zekopi si kote va kilasa ia Sa koari hahanana tadi nana tinoni, meke kote lipu i Sa gua sapu taveti sa.

³Pa tiana sa tinana si tuqea sa sa huhubakulu nenena sa tasina koreo; totoso tie sa, si toketokea sa sa Tamasa.

⁴Uve, variṉaza si asa koa sa mateana te Tamasa meke bokaboka si asa. Kabo si asa meke tepa minana koa sa. Pa Betolo si dogoria Tamasa si asa meke zama ia Sa vasina.

⁵E Zihova Tamasa Tadi na Qeto Minate, e Zihova sa pozapoza sapu kaqu tavahesi nia Sa!

⁶Ba kaqu pule la si goi Izireli koasa mua Tamasa; mamu kopu nia sa tataru meke sa tinoṉoto, mamu koa aqa nia sa mua Tamasa doduru totoso.

⁷Zama se Zihova, “Sa tie holuholu si tavetavete nia sa sikele kokohana; leana hola koa sa sapu pude hiko.

⁸Se Iparemi si zama va titie, ‘Arau si tagotago hola; ele evaṉae na tie tagotago si arau. Koari doduru qua tinagotago si lopu boka dogoria rini koa rau si keke sinea babe tinavete kaleana.’

⁹Arau se Zihova sa mia Tamasa, pu vagi vura ni gamu pa Izipi; kote va koa pule gamu Arau pa ipi, gua koari na rane madidi tamugamu pude somana pa inevaṉa.

¹⁰Zama koari na poropita si Arau, soku dinogodogorae si poni lani Rau koa rini meke tozini Rau koa rini sari na parabolo d.”

¹¹Vea, kaleana hola si pa Qileadi? Sari tiena si loke laedi mo? Vea, va vukivukihi bulumakao tugo sari pa Qiliqali? Sari dia hope si kote guana vinarigara patu pa pepeso sapu nama pude ta lete.

¹²Se Zekopi si ele govete la koasa pinaqaha popoa tanisa butubutu Arami; se Izireli si nabulu pude vagi barikaleqe meke pude boka holu ia gua si kopu sipi si asa.

¹³Tavetavete nia e Zihova si keke poropita pude turaṉa vura nia se Izireli pa Izipi, koasa poropita si kopu nia Tamasa si asa.

¹⁴Ba va gevuria Iparemi sa tinaṉaziri Tanisa; ke sa nana Baṉara kote va kilasia si asa koari na tinavete variva mate tanisa, meke lipui sari nana sinea variva kurekuredi.