عَننَبِ هٌسٍ 12

1

2

3

4

5

6

7

8

9

10

11

12

13

14

¹«عٍقِرَ مِ وَ مَ ﭑ مَدَشُقٍ. عِسِرَيِلَ وَ مَ ﭑ يَنقَقٍ. يُدَيَ تَن بِرَ مَ نّ عَلَ قْشْ رَ، عَ مُ لَنلَنتٍيَ كَنَ عَلَ سّنِيّنشِ مَبِرِ.

²عٍقِرَ مِ قٍ قُقَقُ قٍنمَ، عَ بِرَ مَ مِشِيٍ قْشْ رَ نَشٍيٍ نَ قُفٍ رَ. عَ شَ وُلٍيٍ نُن قٍ حَاشِيٍ فبٌ. عَ سَاتّ تٌنفٌمَ عَسِرِيَ بّ، عَ عٌلِوِ تُرٍ قِمَ نّ مِسِرَ مَنفّ مَ.

³عَلَ يُدَيَكَيٍ مَكِيتِمَ نّ، عَ يَشُبَ بْنسْي حَشَنكَتَمَ نّ، عَ قَ عَ شَ كّوَلِ سَرٍ رَفبِلٍن عَ مَ.»

⁴عٍ نَ عٍ نفَ قُرِ كُي، يَشُبَ نَشَ عَ تَارَ تِنفِلِنيِ سُشُ. عَ تٌ قٌرِ، عٍ نُن عَلَ نَشَ فٍرٍ سٌ.

⁵عٍ نُن مَلٍكّ نَشَ فٍرٍ سٌ، عَ شُتُ سْتْ عَ مَ. عَ نَشَ وَ، عَ عَ مَيَندِ عَ شَ هِننّ عَ رَ. يَشُبَ عَ تٌ نّ بٍتٍلِ. عٍ نُن عَلَ وْيّن مّننِ نّ.

⁶عَلَتَلَ نَن مَنفّ رَ. شِلِ شُنفبٍ كَنيِ نَن عَلَتَلَ رَ.

⁷عِ تَن شَ قَ عِ مَرِفِ عَلَ مَ، عِ نَشَ دُفُتّفّحَ كَنَ، عِ شَ سّرِيّ تِنشِنشِ سُشُ. عِ شَشِلِ تِ عِ مَرِفِ عَلَ رَ تّمُي بِرِن.

⁸يُلّ سِكٍيلِ وُلٍ رَوَلِمَ، عَ مِشِ تْورْ.

⁹عٍقِرَ مِ بَرَ عَ قَلَ، «ﭑ بَرَ بَننَ هَن! ﭑ بَرَ نَاقُلِ سْتْ ﭑ يّتّ سّنبّ رَ. ﭑ مُ يُنُبِ يٌ رَبَشِ.»

¹⁰«ﭑ تَن نَن عِ مَرِفِ عَلَتَلَ رَ، نَشَن عِ رَ مِنِشِ مِسِرَ بْشِ مَ. ﭑ مَن عِ رَدْشْمَ نّ كِرِ بَنشِيٍ كُي، عَلْ وٌن مَ سَلِ تّمُي دَنفِشِيٍ.

¹¹ﭑ نُ وْيّنمَ نَمِحْنمّيٍ بّ، ﭑ لَامَتُنيِيٍ وُيَشِ سٌ عٍ يِ رَ. ﭑ نُ تَالِيٍ مَسٍنمَ وٌ بّ نَمِحْنمّيٍ سَابُي رَ.

¹²فَلَدِكَيٍ لُمَ نّ قٍ حَاشِ رَبَ رَ. نَ قٍ نَ عَ نِيَمَ ﭑ قَمَ عٍ شُن نَكَنَدٍ. عٍ نِنفٍيٍ بَمَ سّرّشّ رَ فِلِفَلِ، كْنْ ﭑ قَمَ نّ عٍ شَ سّرّشّبَدٍيٍ كَنَدٍ، عٍ شَ لُ عَلْ فّمّ مَلَنشِيٍ شّيٍ مَ.»

¹³يَشُبَ نَشَ عَ فِ عَرَ مِ بْشِ مَ. عِسِرَيِلَ نَشَ قِندِ شُرُ سٍيٍ دّ مَدٌنيِ رَ، عَلَكٌ عَ شَ فِنّ ندٍ سْتْ.

¹⁴عَلَتَلَ نَشَ عِسِرَيِلَ رَ مِنِ مِسِرَ بْشِ مَ نَمِحْنمّ ندٍ سَابُي رَ. عَلَتَلَ نَشَ مّينِ عِسِرَيِلَ مَ عَ شَ شّيرَيٍ سَابُي رَ.

¹⁵عٍقِرَ مِ بَرَ عَلَتَلَ رَشْنْ عَ حَاشِ رَ. عٍ مَرِفِ قَمَ نّ عٍ حَشَنكَتَدٍ عٍ شَ قَشّ تِشِيٍ شَ قٍ رَ، عَ قَ عٍ رَيَافِ.