HEREVA LADA-ISIDIA 22:7-16

⁷Taga tauna ese ogoḡami tauna e biaguamu, bona abi-torehai tauna ese e henia torehai tauna isiaina e lao heniamu.

⁸Hahemaoro gageva-gageva e hadoamu tauna ese hahehisi anina baine abia, bona ena badu auna na baine kwaidu.

⁹Ani gaga-isi tauna na bae hanamoa, badina be ana aniani na ogoḡami taudia ida e ania heboumu.

¹⁰Ḡonaḡona tauna ba lulua lasi, bena heiri-heiri na baine ore, bona heai bona gwaugwau bae doko.

¹¹Lalo-ḡoevaḡoeva e ura heniamu bona e hereva manadamu tauna na hanua pavapavana turana ai bainela.

¹²Iehovas matana ese lalo-parara e itaia taomu; a koikoi tauna ena hereva na ia ese e ḡiḡi dobimu.

¹³Lahedo tauna na e tomu “Leona ta na murimuri ai; ariara ai baine alagu mase”.

¹⁴Ariara hahinena uduna na guri dobu-hereana; Iehova ese e badu heniamu tauna na ia lalonai baine moru dobi.

¹⁵Kavakava na meromero lalonai mia; a mata-hakani auna ese baine lulua lasi dauhai.

¹⁶Ogoḡami taudia edia amo e dadidadimu, sibona ena taḡa ihabadana totona, eiava taḡa taudia e harihari henidiamu, tauna na do baine dabu mo.