Dad Fngewe 22:7-16

⁷I to nun knun gal mebe i to landè, na i to gal mdem flifan di to gumdeman.

⁸I to mla sasè, kamtu i kaflayam, na i kabkutan i dad to, nun gusenan.

⁹Nun kafye di to too mlé, du nalelan i knaanan di dad to landè.

¹⁰Falwaam i to gal madoy, du fye matlag i ksamuk, na matlag i kaswè talù na kasablé salà.

¹¹I to too mayè ku matlu nawan na fiten i kafean fagu di fyetaluan, gasgalak kenen i harì.

¹²I kaglut gal man i to, too nifat Dwata, fagu di kablabalan i kakakéng gal sanman i to là gsalig.

¹³I to là mayè mimò dee balibadan, du fye là mimò, du manan kun ku lamwà kenen di gumnean ken kanfè i lmanaf liyun, na knaanan.

¹⁴I klafà yaan, salngad i fawel, na i dad to fanlabè Dwata, ale i mfawel.

¹⁵Én kagkah i dad ngà, gal ale mimò klandè ldam, bay ku tdoam fagu di kbadas dale di gugsalàla, tnagakla i klandèldamla.

¹⁶I to mkut i dad to landè, du fye matnù i knunan, demen mlé di dad to nun, mbaling kenen to landè.