GUNALAIA TAUDIA 14:3-5

³To Samson ena tamana bona sinana ese ia dekenai idia sisiba, idia gwau, “Kekeni namona ta oiemu bese dekenai ia noho lasi, a? Badina dahaka unai Dirava diba lasi Pilistia taudia edia huanai oiemu adavana ta oi tahua?” To Samson ese iena tamana ia hamaoroa, ia gwau, “Unai kekeni be lau ura henia. Ia do umui abia, lau totona.”

⁴Samson ena tamana bona sinana idia diba lasi Lohiabada ese Samson ia hakaua vadaeni, unai kara karaia totona. Badina be Lohiabada ia ura dala ta do ia davaria, ia ese Pilistia taudia do ia tuari henia. Unai dinadia neganai Pilistia taudia ese Israela taudia idia biagua noho.

⁵Vadaeni Samson be iena tamana bona sinana danu Timuna dekenai idia lao. Timuna taudia edia vain uma dekenai idia ginidae neganai, laiona ena natuna ta ese idia dekenai ia boiboi mai.